គម្រោងរបស់យើង
ប្រជាជាតិមួយត្រៀមខ្លួនជាស្រេចសម្រាប់ពន្លឺព្រះជាម្ចាស់
យើងខ្ញុំកំពុងធ្វើការរួមជាមួយគ្រូគង្វាល អ្នកដឹកនាំ និងសាវ័កដែលមានការប្ដេជ្ញា និងចិត្តឆេះឆួលនៅទូទាំងប្រទេសកម្ពុជា ដើម្បីជួយឲ្យមានការដាំក្រុមជំនុំ និងផ្ដល់ព្រះពរដល់ប្រទេសនេះ។
ការចាប់ផ្ដើមអ្វីម្យ៉ាងដ៏រំភើប ក្នុងចំណោមប្រជារាស្ដ្ររបស់ព្រះជាម្ចាស់ក្នុងប្រទេសកម្ពុជា
ការបោះជំរំបណ្ដុះបណ្ដាលជាកម្មវិធីដ៏សកម្មរយៈពេលមួយសប្ដាហ៍ ដែលផ្ដោតលើការបំពាក់បំប៉នដល់អ្នកដាំក្រុមជំនុំក្នុងការទទួលចំណេះដឹង ជំនាញ និងយុទ្ធសាស្ដ្រក្នុងការដាំក្រុមជំនុំមួយ និងដាំក្រុមជំនុំនានាដែលដាំក្រុមជំនុំបន្តទៀត។
មកចូលរួមគ្នាដើម្បីសិក្សា រីកចម្រើន ជំរុញទឹកចិត្តគ្នា និងស្វែងរកព្រះហឫទ័យរបស់ព្រះជាម្ចាស់សម្រាប់ប្រទេសកម្ពុជា
សន្និបាតប្រចាំឆ្នាំ នៅតាមតំបន់នានា បានបង្កាត់ជាផ្កាភ្លើងនៃការដាំក្រុមជំនុំនៅក្នុងចលនាថ្មីៗ និងចលនាដែលមានស្រាប់ នៅពេលដែលគ្រូគង្វាល និងអ្នកដឹកនាំក្នុងការដាំក្រុមជំនុំពីចលនាផ្សេងៗមកជួបជុំគ្នា ដើម្បីចែករំលែកគំនិត ការអនុវត្តដែលមានប្រសិទ្ធភាព ឧបសគ្គ និងជ័យជម្នះនានា។
ការគាំទ្រជាក់ស្ដែងដើម្បីឲ្យក្រុមជំនុំរីកចម្រើន និងការបង្កើតសាវ័កកាន់តែស៊ីជម្រៅ និងរឹងមាំនៅទូទាំងប្រទេសកម្ពុជា
តាមរយៈការផ្ដល់ឱវាទ ការផ្ដល់ធនធាន ការជួបជុំជាក្រុមតូចៗ និងសកម្មភាពជាច្រើនទៀត យើងខ្ញុំនាំគ្រូគង្វាលមកជួបជុំគ្នាជាមួយអ្នកប្រឹក្សា និងគ្រូបណ្ដុះបណ្ដាលមួយក្រុម ដើម្បីផ្ដល់ជាធនធានដល់ចលនាដាំក្រុមជំនុំ និងក្រុមជំនុំនានានៅទូទាំងប្រទេសកម្ពុជា។