អំពី CCPC
ការជះឥទិ្ធពលលើប្រទេសជាតិ
យើងនៅទីនេះដើម្បីជួយប្រជាជនកម្ពុជាឱ្យចេះផ្តល់ពរដល់ប្រទេសកម្ពុជា
និមិត្តរបស់យើង
យើងមានវត្តមានដើម្បីផ្តល់ទំនាក់ទំនង ធនធាន និងវគ្គបណ្ដុះបណ្ដាលផ្សេងៗ ជូនដល់អ្នកដឹកនាំចលនាដាំក្រុមជំនុំជនជាតិកម្ពុជា។ ដោយមានការជំរុញឲ្យមានចិត្តឆេះឆួលក្នុងការដាំក្រុមជំនុំ និងផ្ដល់នូវការជួយជ្រោមជ្រែងដ៏ត្រឹមត្រូវ យើងជឿថាអ្នកដឹកនាំទាំងនោះនឹងដាំក្រុមជំនុំ ដែលចេះដាំក្រុមជំនុំជាច្រើនបន្តទៀត ព្រមទាំងឈោងចាប់មនុស្សជាច្រើនថ្វាយព្រះគ្រិស្ត។
ហេតុអ្វីបានជាអ្នកគួរចូលរួមជាមួយនិមិត្តនេះ...
ក្នុងចំនោមប្រជាជនកម្ពុជាទាំងអស់ ចំនួនគ្រិស្តបរិស័ទមានតិចជាង ២% ក៏ប៉ុន្តែតាមសៀវភៅកំណត់ត្រាគ្រិស្តបរិស័ទសកល (ឆ្នាំ២០១០) បានសរសេរថា ប្រទេសកម្ពុជាស្ថិតក្នុងលំដាប់ទី២ នៃប្រទេសដែលបើកចិត្តចំហរទទួលដំណឹងល្អច្រើនជាងគេនៅលើពិភពលោក។ នៅក្នុងវេលាដ៏ពិសេសនៃប្រវត្តិសាស្តនេះ គឺក្នុងកំឡុងពេលដែលប្រទេសកម្ពុជាកំពុងតែបើកចិត្តចំហរទទួលដំណឹងល្អ យើងមានឱកាសនិងមានទំនួលខុសត្រូវក្នុងការចូលរួមជាមួយអ្នកជឿជនជាតិកម្ពុជាដទៃទៀតក្នុងការផ្សាយដំណឹងល្អ តាមរយៈចលនានៃការដាំក្រុមជំនុំ។
To learn more about our vision, watch our program video.
នេះជារបៀបដែលយើងអាចសម្រេចគោលដៅនេះបាន...
ក្រុមជំនុំនៅក្នុងប្រទេសកម្ពុជាកំពុងស្វែងរកគំរូនៃការដាំក្រុមជំនុំ ដែលស្របតាមព្រះគម្ពីរ ស្របនឹងវប្បធម៌ ព្រមទាំងមានភាពច្នៃប្រឌិត។
ជាមួយនឹងបទពិសោធន៍ជាង២០ឆ្នាំ ក្នុងការដាំក្រុមជំនុំនៅក្នុងប្រទេសកម្ពុជា សម្ព័ន្ធក្រុមជំនុំជីវិតថ្មីបានរៀនមេរៀនជាច្រើនពីគំរូផ្សេងៗក្នុងការដាំក្រុមជំនុំ។ ដោយបានចាប់ផ្តើមនិមិត្តថ្មីរបស់ពួកគេក្នុងការដាំក្រុមជំនុំ៥០០បន្ថែមទៀត មេរៀននិងបទពិសោធន៏ទាំងនេះត្រូវបានចងក្រងឡើង ហើយដាក់បញ្ចូលទៅក្នុងគំរូនៃការដាំក្រុមជំនុំតាមទីក្រុង និងក្រុមជំនុំតាមភូមិ តាមរបៀបមួយដែលមាននិរន្តរភាពនិងអាចបង្កើតផលបាន។
មជ្ឈមណ្ឌលដាំក្រុមជំនុំកម្ពុជានឹងសហការគ្នាក្នុងប្រើប្រាស់មេរៀនដែលបានរៀនតាមគំរូរបស់សម្ព័ន្ធក្រុមជំនុំជីវិតថ្មី ដើម្បី បំពាក់បំប៉នដល់គ្រប់បណ្ដាញដៃគូ។ សំខាន់ជាងនេះទៅទៀត មជ្ឈមណ្ឌលដាំក្រុមជំនុំកម្ពុជានឹងផ្សាភ្ជាប់ដៃគូរបស់យើងជាមួយនឹងបុគ្គលិករបស់ក្រុមជំនុំជីវិតថ្មី ដែលមានបទពិសោធន៏អាចធ្វើជាគ្រូបង្វឹក និងអ្នកប្រឹក្សាយោបល់បាន។ សៀវភៅណែនាំ “ពីរបៀបធ្វើកិច្ចការនានា” និងធនធានមួយចំនួនទៀតនឹងត្រូវបានផ្តល់ជូន តាមរយៈវគ្គបណ្តុះបណ្តាល និងសន្និបាតនានា។ ដំណើរការនៃនិមិត្តក្នុងការដាំក្រុមជំនុំ៥០០កន្លែងផ្សេងទៀតនឹងក្លាយជា “ថ្នាក់រៀនអនុវត្ត” ជាក់ស្ដែងសម្រាប់ឲ្យអ្នកដឹកនាំដទៃទៀតអាចរៀនបាន។
ខណៈពេលដែលមជ្ឈមណ្ឌលរីកចំរើនឡើង ហើយមានដៃគូបន្ថែមទៀតជួយអភិវឌ្ឍន៍គំរូនៃការដាំក្រុមជំនុំ យើងនឹងពង្រីកការជ្រើសរើសវគ្គបណ្តុះបណ្តាល និងអ្នកប្រឹក្សាយោបល់ ដោយបង្កើតបរិយាកាសមួយ ដែលមនុស្សទាំងអស់អាចធ្វើការរួមគ្នា ដើម្បីដាំក្រុមជំនុំទូទាំងប្រទេស។